Կայքի հարգելի այցելուներ և գործընկերներ,
տեղեկացնում ենք ձեզ, որ ՀՀ քաղաքային բնակչության հեռուստաբովանդակության սպառման չափումները ճշգրիտ իրականացնելու համար, միջազգային պահանջներին համապատասխան ընկերությունը սույն թվականի հոկտեմբերին 10-ից սկսում է հիմնադիր ուսումնասիրությունը. ՀՈՒ նպատակն է վերագնահատել քաղաքային բնակչության հեռուստաբովանդակության սպառման առանձնահատկություններ, տեխնիկական զինվածությունը, հեռուստաալիքների հասանելիությունը և հարակցի մի շարք այլ հարցեր: Այս աշխատանքների իրագործման համար մի կողմից համապատասխան տվյալների պահանջով գրավոր դիմում է տրվել Ազգային Վիճակագրական Կոմիտե, մյուս կողմից ընտրվել է անկախ հետազոտական կազմակերպություն, որը ՀՀ 21 քաղաքներում կիրականացնի 3500 հարցում վերը նշված հարցերի պարզման նպատակով: Ստացված թվային տվյալների հիման վրա հաշվարկային մեծությունները կփոխվեն 2019 հունվարի մեկից: